"Странджа" турнирі: Қазақстан құрамасы 4 алтын медаль жеңіп алды

Болгарияда бокстан 77-ші "Странджа" халықаралық турнирі өз мәресіне жетті. Бұл дода Қазақстан құрамасы 4 алтын медаль жеңіп алды, деп хабарлайды Қазақстан бокс федерациясына сілтеме жасаған KAZ.NUR.KZ.

23 ақпан - 1 наурыз күндері аралығында Софияда өткен халықаралық турнирде 31 мемлекеттен 338 боксшысы жүлдеге таласқан. Жарысқа Қазақстаннан 39 боксшы қатысты.

Турнир қорытындысы бойынша Қазақстан құрамасы 4 алтын, 2 күміс, 3 қола медаль иеленген.

Алтын медаль алған боксшылар:

• 50 келі. Даниал Сәбит
• 54 келі. Элина Базарова
• 80 келі. Надежда Рябец
• +80 келі. Валерия Аксенова.

Күміс медаль алған боксшылар

• 70 келі. Фарух Тоқтасынов
• 65 келі. Лаура Есенкелді.

Қола жүлде иегерлері

• 54 келі. Әнел Сақыш
• 75 келі. Валентина Хальзова
• +80 келі. Дина Исламбекова.

Бокс федерациясының мәліметінше, ерлер арасында 50 келіде және әйелдер арасында 54, 80 келіде алғаш рет "Странджа" турнирінің алтын медалі бұйырған.

Мәтіннен қате тапсаңыз, бізге жазыңыз