Қос қазақстандық балуан әлем чемпионатының жартылай финалына жолдама алды
Опубликовано:
Қазақстандық балуандар Ризабек Айтмұхан (97 кг) мен Алан Оралбек (57 кг) Албанияда өтіп жатқан жастар арасындағы әлем чемпионатының жартылай финалына жолдама алды. Бұл туралы KAZ.NUR.KZ хабарлайды.
Ризабек Айтмұхан (97 кг) Албания астанасы Тиранада өтіп жатқан 23 жасқа дейінгі спортшылар арасындағы күрестен әлем чемпионатының жартылай финалына жолдама алды.
Ширек финалда Ризабек Айтмұхан қарсыласы Владислав Козловтан басым түсті. Енді Ризабек Айтмұхан жартылай финалда Шамиль Имам Гаджиалиевке қарсы кездесу өткізеді.
Ал 57 кг дейінгі салмақ дәрежесінде сынға түсіп жатқан Алан Оралбек ширек финалда моңғолиялық Джигуур Сарантуйдан басым түсті. Енді Алан Оралбек жартылай финалда үндістандық Чираг Чирагпен кездеседі.
Айта кетейік, Ризабек Айтмұхан қыркүйекте Испанияда өткен 20 жасқа дейінгі спортшылар арасында өткен әлем чемпионатында қарсылас шақ келтірмей, жеңімпаз атанған болатын.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/fight/2178993-rizabek-aitmuhan-alem-chempionatynyng-zhartylai-finalyna-zholdama-aldy/