"Жүлде қоры 12 млн теңге": Алматыда 500 балуанның басын қосқан турнир аяқталды

Алматыда еркін және грек-рим күресінен ардагерлер арасындағы үшінші халықаралық турнир аяқталып, жеңімпаздар мен жүлдегерлер анықталды. Турнирдің жүлде қоры 12 млн теңге болған, деп жазады El.kz.

"Ардагер алаңы" турниріне биыл 500-ге жуық балуан қатысты. Балуандар додасында Қазақстан өңірлерінен бөлек, АҚШ, Ресей, Қырғызстан, Өзбекстаннан келген спортшылар бақ сынады.

Алматы  төріндегі балуандар бәсекесі түрлі жас деңгейі мен дивизиондар бойынша өткізілді. Жарыста халықаралық дәрежедегі төреші, Олимпиада ойындары мен әлем чемпионаттарында төрелік  еткен Игорь Лигай бас қазы атанды. Келесі жылы "Ардагер алаңы" турнирі 9-11  мамыр аралығында ұйымдастырылмақ.