"Бенфика" футбол клубының шабуылшысы Анхель Ди Мария Аргентина ұлттық құрамасындағы мансабын қашан аяқтайтынын айтты. Ол 2024 жылғы Америка кубогынан кейін ұлттық команда сапынан кетпекші, деп жазады KAZ.NUR.KZ.
Анхель Ди Мария бұл шешімін Todo Pasa бағдарламасында жариялады.
"2024 жылғы Америка кубогымен аяқтаймын. Бұл ұлттық құрама сапындағы соңғы турнирім болмақ. "Бенфика" клубы ұлттық құрама атынан ойнауға мүмкіндік берді. Менің де қалауым сол. Мен құрамға ену үшін барымды саламын", - дедш спортшы.
Ди Мария Аргентина құрамында 2008 жылдан бері өнер көрсетуде. 35 жастағы футболшы ұлттық құрама сапында 134 матч өткізіп, 29 гол соқты.
Мақаланың түпнұсқасы: https://kaz.nur.kz/sport/football/2041557-anxel-di-mariya-argentina-quramasyndagy-mansabyn-qasan-ayaqtaitynyn-aitty/
