Криштиану Роналдудың Сауд Арабиясында алатын жалақысының мөлшері белгілі болды
Опубликовано:
"Әл-Наср" клубының шабуылшысы Криштиану Роналдудың Сауд Арабиясы чемпионатында қанша жалақы алатыны белгілі болды. Бұл туралы KAZ.NUR.KZ Al Sharq News басылымына сілтеме жасап хабарлайды.
Сауд Арабиясының "Әл-Наср" клубының шабуылшысы Криштиану Роналду чемпионаттағы ең жоғары жалақы алатын футболшы ретінде танылды. Португалия құрамасының 39 жастағы ойыншысы жылына 263 миллион еуро жалақы алады, оның 60 миллионы жарнама арқылы келеді.
Екінші орында "Әл-Хилял" клубының шабуылшысы Неймар тұр. Оның жылдық табысы – 102 миллион еуро, футболшы оның 74 миллионын клубтан тікелей алады.
Үздік үштікті "Әл-Иттихад" клубының шабуылшысы Карим Бензема түйіндеп тұр (96 миллион еуро). Оның 92 миллионы футболшының жалақысы болса, 4 миллионы жарнама арқылы келеді.
Айта кетейік, Криштиану Роналду "Әл-Наср" футбол клубында 2023 жылдың 1 қаңтарынан бері ойнап келеді. Португалиялық футболшының клубпен келісімшарты 2025 жылдың 30 маусымына дейін жоспарланған.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2178272-krishtianu-ronaldudyng-saud-arabiiasynda-alatyn-zhalaqysynyng-molsheri-belgili-boldy/