УЕФА Чемпиондар лигасының элиталық кезеңі аясында "Семей" футзал клубы испаниялық "Пальмамен" матч өткізді. Бұл туралы KAZ.NUR.KZ хабарлайды.
Бүгін қазақстандық "Семей" футзал клубы УЕФА Чемпиондар лигасының элиталық кезеңі аясында испаниялық "Пальмаға" қарсы ойын өткізді. Нәтижесінде "Семей" футзал клубы 1:4 есебімен жеңіліс тапты.
"Семей" D тобында испаниялық "Пальмадан" бөлек польшалық "Рекорд Бельско-Бяла" мен словакиялық "Мимел Лученецке" қарсы ойындар өткізеді.
Әр топтың жеңімпаздары футзалдан Чемпиондар лигасының финалдық кезеңіне жолдама алады.
Айта кетейік, Чемпиондар лигасының негізгі кезеңінде "Қайрат" пен "Семей" бір топта ойнаған болатын. "Қайрат" тоғыз ұпай жинап, топта үздік атанса, "Семей" үш ұпаймен үшінші орынға тұрақтап, элиталық кезеңге жолдама алған еді.
Мақаланың түпнұсқасы: https://kaz.nur.kz/sport/football/2193452-chempiondar-ligasy-semei-elitalyq-kezengdegi-algashqy-oiynyn-zhengilis-tapty/
