Бүгін, 28 қарашада УЕФА Конференция лигасы аясында "Астана" футбол клубы өз алаңында португалиялық "Витория" командасын қабылдайды. Бұл туралы KAZ.NUR.KZ хабарлайды.
Бүгін, 28 қарашада "Астана" футбол клубы УЕФА Конференция лигасының жалпы кезеңінің 4-турында португалиялық "Витория" (Гимарайнш) командасына қарсы Алматыда ойын өткізеді. Матч кешкі сағат 20:30-да басталады және Qazsport телеарнасынан тікелей эфирде көрсетіледі.
Қазіргі уақытта "Витория" турнир кестесінде 9 ұпаймен көш бастап тұр. Олар бұған дейін словениялық "Целе" (3:1), швециялық "Юргорден" (2:1) және чехиялық "Млада-Болеслав" (2:1) командаларын жеңген.
Ал "Астана" 3 турдың қорытындысы бойынша 3 ұпай жинады. Елордалық команда сербиялық "ТСЦ Бачка-Топола" клубынан 1:0 есебімен басым түскен, бірақ Уэльстің "Нью-Сейнтс" (0:2) және Кипрдің "Пафос" (0:1) клубтарына есе жіберген болатын.
Айта кетейік, "Астана" УЕФА Конференция лигасының жалпы кезеңінде 12 желтоқсанда "Челсимен" (Англия), 19 желтоқсанда "АПОЭЛ"-мен (Кипр) ойнайды.
Мақаланың түпнұсқасы: https://kaz.nur.kz/sport/football/2193579-konferentsiia-ligasy-bugin-astana-portugaliialyq-komandaga-qarsy-oiyn-otkizedi/
