"Қайрат" УЕФА Чемпиондар лигасындағы сәтті ойыннан кейін тағы да бір матчта жеңіске жетті

Алматының "Қайрат" футбол клубы Қазақстан премьер-лигасының 22-туры аясындағы ойында сырт алаңда көкшетаулық "Оқжетпестен" басым түсті, деп хабарлайды KAZ.NUR.KZ тілшісі.

Көкшетаудағы "Оқжетпес" стадионында өткен кездесуде алаң иелері 0:1 есебімен жеңіліс тапты.

Матчтың бірінші таймындағы жалғыз голды сегізінші минутта португалиялық шабуылшы Жоржинью соқты.

Жеңіс алматылықтарға 46 ұпай жинауға мүмкіндік берді. Рафаэль Уразбахтиннің қоластындағы футболшылар бүгінде "Астана" клубымен бірге көштің басына жайғасқан, десе де бұл ретте қостанайлық "Тобылды" (44 ұпай) әлі бір матч күтіп тұрғанын ескерген жөн.

22 турдан кейін көкшетаулықтар 32 ұпаймен алтыншы орында келеді.

Мәтіннен қате тапсаңыз, бізге жазыңыз