Астаналық "Барыс" командасы Құрлықтық хоккей лигасындағы (ҚХЛ) қонақта ресейлік "Сибирь" клубымен кездесті. Бұл туралы kAZ.NUR.KZ хабарлайды.
Бүгін, 23 қазанда "Барыс" хоккей клубы ҚХЛ аясында қонақта "Сибирь" командасымен кездесіп, 3:1 есебімен жеңіске жетті.
"Барыс" хоккей клубы сапында Андон Бурдасов (6 және 46-минуттар) екі шайба соқса, Иван Николшин (59) нәтижелі ойынымен көзге түсті.
Ал "Сибирь" командасы сапынан Максим Карпов (29) шайба соқты.
17 қазанда "Барыс" хоккей клубының бас бапкері болып Ғалым Мәмбеталиев тағайындылған еді.
Айта кетейік, 29 қазанда "Барыс" хоккей клубы өз мұз айдынында Қытайдың "Куньлунь Ред Стар" командасын қабылдайды.
Мақаланың түпнұсқасы: https://kaz.nur.kz/sport/hockey/2178138-barys-zhanga-bapkerding-zhetekshiligimen-ekinshi-match-qatarynan-zhengiske-zhetti/
