Кеше, 3 қарашада "Барыс" хоккей клубының ойыншысы Әлихан Әсетов матч барысында төбелесіп қалды. Бұл туралы KAZ.NUR.KZ тілшісі хабарлайды.
Кеше, 3 қарашада ҚХЛ матчында астаналық "Барыс" шабуылшысы Әлихан Әсетов пен ресейлік "Нефтехимик" қорғаушысы Владислав Леонтьев төбелесіп қалды. Төбелес нәтижесінде қос ойыншы да бес минуттық айып уақытына жіберілді.
Танымал америкалық Spittin’ Chicklets подкасты Instagram желісіндегі ресми парақшасында бұл видеоны жариялады. Аталмыш парақша бұл видеоның сипаттамасына: "Төбелестен кейін қол алысу – хоккейдің шыңы", - деп жазды.
Айта кетейік, "Барыс" өз мұз айдынында ресейлік "Нефтехимик" командасын қабылдады. Нәтижесінде буллитке дейін ұласқан ойында астаналықтар 2:1 есебімен жеңіске жетті.
Мақаланың түпнұсқасы: https://kaz.nur.kz/sport/hockey/2182590-hokkeiding-shyngy-qazaqstandyq-oiynshynyng-tobelesin-aqsh-ta-zhogary-bagalady-video/
