Бүгін, 6 қарашада Алматыда шайбалы хоккейден тарихтағы алғашқы Азия чемпионаты басталады. Жарыс алдында Қазақстан құрамасының капитаны тағайындалды, деп хабарлайды Хоккей федерациясының ресми сайтына сілтеме жасаған KAZ.NUR.KZ.
Қазақстан құрамасының капитаны ретінде Евгений Рымарев таңдалды. Ал Саян Данияр мен Артем Лихотников ассистент қызметін атқарады.
Азия чемпионаты 6-9 қараша аралығында Алматыдағы Halyk Arena-да өтеді. Оған Қазақстан, Жапония, Оңтүстік Корея және Қытай құрамалары қатысады. Бүгін қазақстандық хоккейшілер алғашқы ойынын Оңтүстік Кореяға қарсы өткізеді. Матч сағат 19:30-да басталады.
Азия чемпионатына қатысатын Қазақстан құрамасы:
- Қақпашылар: Джелал-ад-дин Әмірбеков("Магнитка", Магнитогорск), Жәкен Ибрагимов ("Сарыарқа", Қарағанды), Максим Павленко ("Рязань-ВДВ", Рязань).
- Қорғаушылар: Степан Александров, Владимир Гребенщиков ("Қазцинк-Торпедо", Өскемен), Дмитрий Бреус ("Торпедо", Нижний Новгород, ҚХЛ), Хақназар Кеңесбай, Кирилл Никитин ("Номад", Астана), Эдуард Михайлов ("Арлан", Көкшетау), Егор Наместников ("Сарыарқа", Қарағанды), Иван Степаненко ("Хумо", Ташкент).
- Шабуылшылар: Александр Борисевич, Руслан Демин, Евгений Королинский ("Сарыарқа", Қарағанды), Андрей Буяльский (еркін агент), Владимир Волков, Дмитрий Преснов, Денис Чапоров ("Арлан", Көкшетау), Дмитрий Гренц, Артем Лихотников ("Хумо", Ташкент), Алексей Зубов, Захар Пархоменко, Ян Тютюньков("Қазцинк-Торпедо", Өскемен), Саян Данияр("Номад", Астана), Евгений Рымарев ("Юнисон-Мәскеу").
Айта кетейік, Алматыдағы Азия чемпионаты 2025 жылдың 7-14 ақпан күндері Қытайдың Харбин қаласында өтетін Азия ойындарына дайындық жарысы болмақ.
Мақаланың түпнұсқасы: https://kaz.nur.kz/sport/hockey/2183589-hokkeiden-tarihi-aziia-chempionaty-aldynda-qazaqstan-quramasynyng-kapitany-tagaiyndaldy/
