UFC файтері Шавкат Рахмонов YouTube желісіндегі Naiza TV арнасына берген сұқбатында алғашқы табысы жайлы айтты. Бұл туралы KAZ.NUR.KZ хабарлайды.
UFC-де өнер көрсететін қазақстандық жауынгер Шавкат Рахмонов алғашқы табысы, базардағы жұмысы туралы айтты. Шавкат мақсатына жету үшін сол шақта еңбек пен сабырдың маңызын түсінген айтады.
"Алғашқы табысымды базарда қарбыз тасып алған едім. Сол кезде маған тиын-тебен төлейтін. Алайда сол шақтың өзінде мен табыстың қадірін ұға бастадым", - деді Шавкат Рахмонов.
Сондай-ақ Шавкат кейбір талантты адамдардың өз мүмкіндіктерін толық пайдаланбай жатқанына қынжылатынын жасырмады.
"Кейбір адамдардың бойында зор потенциал бар, бірақ олар мақсатқа жету үшін жұмыс істеуден бас тартады. Бұл мені әрдайым қынжылтатын мәселе", - деді Шавкат Рахмонов.
Айта кетейік, Шавкат Рахмонов 7 желтоқсанда АҚШ-тың Лас-Вегас қаласында UFC 310 турнирінде жартылай орта салмақтағы чемпионы Белал Мухаммадқа қарсы кездесу өткізеді. Бұл жекпе-жек Шавкат Рахмонов үшін UFC-дегі жетінші кездесуі болмақ.
Мақаланың түпнұсқасы: https://kaz.nur.kz/sport/mma/2181207-bazarda-qarbyz-tasyganmyn-shavkat-rahmonov-ozining-algashqy-tabysy-zhaily-aitty/
