Бейжіңде қысқы Олимпиада ойындарының жабылу рәсімі өтті (фото)

Бүгін, 20 ақпанда Қытай астанасы Бейжіңде қысқы ХХІV Олимпиада ойындарының жабылу салтанаты өтіп жатыр, деп хабарлайды KAZ.NUR.KZ тілшісі.

Бейжіңде өткен Олимпиада-2022 ойындарына 91 елдің спортшылары қатысты. Жалпы алғанда, 109 жүлде сарапқа салынды.

Қазақстан құрамасын шорт-трекші Абзал Әжіғалиев бастап шықты.

Айта кетсек, Олимпиада ойындарында Норвегия құрамасы 16 алтын, 8 күміс және 13 қола медаль иеленіп, үздіктер көшін бастады.

Екінші орынға 12 алтын, 10 күміс және 5 қола медаль ұтып алған Германия құрамасы жайғасты.

Олимиада-2022 ойындарында үздік үштік қатарына 9 алтын, 5 күміс пен 2 қола еншілеген Қытай кірді.

Еске сала кетсек, бұған дейін Қазақстан құрамасы Бейжің Олимпиадасын жүлдесіз аяқтағанын жазған едік.

Байрақты бәсекеде шорт-трекші Абзал Әжіғалиев 500 метр қашықтықта жүлдеге бір табан жақын қалып, төртінші орынға табан тіреген болатын. Бұл қазақстандық спортшылар көрсеткен ең үздік нәтиже.

Мәтіннен қате тапсаңыз, бізге жазыңыз