Алматылық командада өнер көрсеткен Олимпиада жүлдегері өмірден өтті

Кеңес одағының волейболшысы Лариса Берген 73 жасында қайтыс болды, деп хабарлайды KAZ.NUR.KZ тілшісі Бүкілресейлік волейбол федерациясының (ВВФ) сайтына сілтеме жасап.

"Бүкілресейлік волейбол федерациясы Лариса Абрамовна Бергеннің өмірден өткенін өкінішпен хабарлайды. Лариса Абрамовнаның отбасы мен жақындарына қайғыларына ортақтасып көңіл айтамыз", - делінген хабарламада.

Айта кетейік, Лариса Берген - кеңес үкіметінің құрамасы сапында 1976 жылғы Олимпиаданың күміс жүлдегері, Әлем кубогының жеңімпазы және Еуропаның екі дүркін чемпионы.

Ол кәсіби мансабында алматылық "Еңбек" пен мәскеулік "Динамо" сапында өнер көрсеткен.

Мәтіннен қате тапсаңыз, бізге жазыңыз