Ұлттық құрама Азия кубогында Жапониядан 8:0 есебімен ұтылды

Жапонияның Какамигахара қаласында көгалдағы хоккейден 21 жасқа дейінгі әйелдер арасындағы VIII Азия Кубогында Қазақстан құрамасы жартылай финалға шыға алған жоқ. Бұл туралы Спортты дамыту дирекциясы хабарлады.

Кеше, 8 маусымда Серік Қалымбаев баптайтын отандық спортшылар жарыс қожайыны Жапониямен ойнап, 0-8 есебімен ұтылып қалды.

Осылайша, отандық хоккейшілер жүлдеге таласу мүмкіндігінен айырылды.

Бұған дейін Қазақстан құрамасы Индонезияны 6-0, сосын Гонконгты 3-0 есебімен ұтқан. Алайда 2-турда Қытай хоккейшілеріне жол берген (0-14).

Қазір Ұлттық құрама сапында ең көп гол салған ойыншы – Виктория Лобанова (4 гол). Одан кейін Виктория Ляпина (3 гол) мен капитан Балжан Бейсенбай (2 гол) келе жатыр.

Енді Ұлттық құрама Қытайдың Тайбэйімен ойнап, 5-8 аралығындағы орындарды сарапқа салады.

В тобынан Қытай мен Жапония, ал А себетінен Үндістан мен Оңтүстік Корея жартылай финалға шықты. Осы командалардың үшеуі биыл Чили астанасы Сантьягода өтетін жастар арасындағы әлем чемпионатына барады. А

йта кетейік, сары құрлық додасы 11 маусымда аяқталады.