Қазақстандық велошабандоз Азия чемпионатының күміс жүлдегері атанды

Малайзияның Нилай қаласында өтіп жатқан велотректен Азия чемпионатында отандық спортшы Рамис Дінмұхамедов мәре сызығын екінші болып кесті. Бұл туралы Спортты дамыту дирекциясы хабарлайды.

Отандық велошабандоз із кесу жарысында 2014 жылғы Азия ойындарының чемпионы, Азия чемпионатының жеңімпазы жапониялық Эйя Хасимотоға ғана есе жіберді.

Қола жүлдені гонконгтық Лян Чунь Вин иеленді.

Бұл құрлық додасында Ұлттық құрама қоржынына түскен 2-медаль.

Айта кетейік, биылғы сары құрлық додасына 30 елдің үздіктері жиналды. Оның ішінде қазақстандықтар саны – 14.

Тура 2018 жылы Нилайдағы осы ұлттық велодромда құрлық чемпионаты өтіп, оған 22 мемлекет өз спортшысын жіберген.

Малайзиядағы жарыста Париж Олимпиадасы жолдама алуға мүмкіндік беретін ұпайлар үлестіріледі.

Мәтіннен қате тапсаңыз, бізге жазыңыз