Қазақстанның бірінші ракеткасы Александр Бублик Германияның Халл қаласында өтіп жатқан турнирдің ширек финалына жолдама алды. Бұл туралы KAZ.NUR.KZ тілшісі хабарлайды.
Отандық теннисші ATP 500 турнирінің екінші айналымында әлемнің 21-ракеткасы, Германия өкілі Ян-Леннард Штруфпен шеберлік байқасты.
Тартысты матч үш сетке жалғасып, 6:3, 7:6 (7:4), 6:3 есебімен Қазақстанның бірінші ракеткасы жеңіске жетті.
Осылайша, Александр Бублик Германияның Халл қаласында өтіп жатқан жарыстың ширек финалына шығып отыр.
Ол алғашқы айналымда сенсация жасап, әлемнің 14-ракеткасы Борна Чоричтен айласын асырған еді.
Енді қазақстандық теннисші жартылай финалға жолдама алу үшін әлемнің 9-ракеткасы, италиялық Янник Синнермен ойнамақ.
Мақаланың түпнұсқасы: https://kaz.nur.kz/sport/other-sports/2026001-bublik-tagy-da-sensaciya-zasap-germaniyadagy-turnirdin-sirek-finalyna-syqty/
