Қазақстанның жұптық сындағы бірінші, әлемнің 24-ракеткасы Анна Данилина Берлин WTA 500 турнирінің жартылай финалына шыға алмады. Бұл туралы KAZ.NUR.KZ тілшісі хабарлайды.
Жарыстың 4-ракеткасы болып тіркелген Анна Данилина мен қытайлық Сюй Ифань турнирдің екінші кезеңінде чехиялықтар Катерина Синякова – Маркета Вондрусовамен шеберлік байқасты.
Бір сағат отыз сегіз минутқа созылған ойында қазақстандық-қытайлық жұп қарсыластарына 6:3, 5:7, 7:10 есебімен жол берді.
Осылайша, олар Берлин WTA 500 турнирінің жартылай финалына шыға алған жоқ.
Мақаланың түпнұсқасы: https://kaz.nur.kz/sport/other-sports/2026008-zuptyq-syndagy-qazaqstannyn-uzdik-tennissisi-berlin-turnirinin-zartylai-finalyna-syga-algan-zoq/
