Бублик әлемнің 9-ракеткасын жеңіп, Германияда тағы бір сенсация жасады

Германияның Галле қаласында теннистен АТР-500 санатындағы турнир өтіп жатыр. Аталған сында қазақстандық Александр Бублик жартылай финалға шықты, деп хабарлайды KAZ.NUR.KZ.

Ширек финалда Бублик АТР рейтингінде 9-орында тұрған италиялық Янник Синнермен кездескен болатын.

Бірінші партияда қазақстандық теннисші 7:5 есебімен жеңіске жетті. Екінші партияда Бублик 2:0 есебімен алда тұрған. Осы кезде қарсыласы жарақатына байланысты жарысты жалғастырудан бас тартты.

Александр Бублик әлемдік рейтингте 48-орында тұр.

Бұған дейін ол Ян-Леннард Штруфты ұтқан болатын.