Александр Бублик Германиядағы жеңісінен соң рейтингте бірден 21 сатыға көтерілді

Кәсіби теннисшілер қауымдастығы (АТР) ерлер арасындағы әлемдік рейтингті жариялады. Қазақстандық Александр Бублик 21 сатыға жоғарылады, деп жазады KAZ.NUR.KZ.

Александр Бублик АТР рейтингінде 48-орында тұрған болатын. Кеше Германияның Галле қаласында өткен АТР-500 турнирінде топ жарған соң, отандық теннисші әлемдік рейтингте 27-орынға көтерілді.

Осылайша, Бублик өз мансабында алғаш рет осындай жоғары нәтиже тіркеп отыр.

Айта кетелік, кеше Александр Бублик АТР-500 турнирінде жеңіске жетті. Ол финалда ресейлік Андрей Рублевті ұтты.

Бұл Бубликтің аталған мәртебелі жарыстағы алғашқы жеңісі.

Мәтіннен қате тапсаңыз, бізге жазыңыз