Париждегі Олимпиада ойындарында 40-тан астам спортшы COVID-19 инфекциясын жұқтырған

Дүниежүзілік денсаулық сақтау ұйымы өкілінің мәліметінше, Париждегі Олимпиада ойындарында 40-тан астам спортшы COVID-19 инфекциясын жұқтырған. Бұл туралы "РИА Новостиге" сілтеме жасаған KAZ.NUR.KZ хабарлайды.

Басылым Женевада өткен брифингте Дүниежүзілік денсаулық сақтау ұйымының өкілі Мария фон Керков дүние жүзінде COVID-19 жұқтырғандар көбейгенін хабарлады.

"Соңғы айларда, маусымға қарамастан, көптеген елдерде COVID-19 жұқтырғандар байқалды. Соның ішінде Олимпиада ойындарында кем дегенде 40 спортшы тапсырған сынама оң нәтиже берген", - деді ол.

Айта кетейік, бұған дейін Сена өзенінде жүзіп өткеннен кейін бельгиялық спортшы ішек инфекциясын жұқтырып, ауруханаға жеткізілген болатын.

Мәтіннен қате тапсаңыз, бізге жазыңыз