Қазақстандық таеквондошы Нышан Өмірәлі Париждегі жазғы Паралимпиада ойындарының қола медаль үшін бәсекеде сынға түсті. Бұл туралы KAZ.NUR.KZ тілшісі хабарлайды.
Пара таеквондодан +80 кг салмақ дәрежесінде К44 санаты бойынша қазақстандық Нышан Өмірәлі Иран өкілі Хагшенас Хамедпен қола медаль үшін бәсекеде кездесті. Нәтижесінде қазақстандық спортшы 14:16 есебімен есе жіберді.
Тағы бір қазақстандық таеквондошы Нұрлан Домбаев Оңтүстік Корея өкілі Джу Чон-хунмен қола медаль үшін бәсекеде жеңіліс тапқан болатын.
Айта кетейік, бүгін, 31 тамызда нысана көздеуден ел намысын қорғаған Еркін Ғаббасов күміс жүлдеге ие болды.
Мақаланың түпнұсқасы: https://kaz.nur.kz/sport/other-sports/2155591-paralimpiada-2024-nyshan-omirali-para-taekvondodan-qola-zhulde-ushin-talasta-ese-zhiberdi/
