Ной-Ульм қаласында үстел теннисінен Германия кубогының "Төрттік финалы" өтті. Бұл бәсекеде қазақстандық теннисші Кирилл Герасименко бақ сынады, деп KAZ.NUR.KZ Olympic.kz сайтына сілтеме жасап хабарлайды.
Үстел теннисінен Германия кубогының "Төрттік финалында" "Либхерр" (Оксенхаузен), "ТТ" (Саарбрюккен), "ТТС" (Бад-Хомбург) және қазақстандық Кирилл Герасименко өнер көрсететін "Вердер" (Бремен) командалары бақ сынады.
"Вердер" командасы жартылай финалда "ТТ" ұжымына 1:3 есебімен есе жіберіп қойды. Қазақстандық теннисші Кирилл Герасименко қарсыласы Юто Мурамацуға қарсы ойында 0:3 есебімен жеңіліп қалды.
Германияда кубогының "Төрттік финалының" ақтық бәсекесіндн "Либхерр" командасы "ТТ" ұжымынан 3:1 есебімен басым түсті.
Айта кетейік, Франция астанасы Парижде өткен ХХХІІІ жазғы Олимпиада ойындарында үстел теннисінен бақ сынаған Кирилл Герасименко жарыстың 1/8 финалдық кезеңіне дейін жеткен еді. Қазақстандық спортшы бұл айналымда мысырлық Омар Ассардан 4:2 есебімен жеңілген болатын.
Мақаланың түпнұсқасы: https://kaz.nur.kz/sport/other-sports/2208087-qazaqstandyq-tennisshi-uzdikter-bas-qosqan-germaniia-kubogynyng-torttik-finalynda-baq-synady/
