Шпагамен семсерлесуден Қазақстан жасөспірімдер құрамасының спортшылары Швейцарияның Базель қаласында өткен әлем кубогы кезеңін аяқтады. Бұл туралы KAZ.NUR.KZ Olympic.kz cайтына сілтеме жасап хабарлайды.
Қазақстан құрамасынан турнирдің ширек финалына дейін Богдан Лукин мен Кирилл Проходов жетті. Бұл кезеңде Лукин Германиялық Оле Петерсонға есе жіберсе, Проходов ұлыбританиялық Тристан Люминьеден жеңіліп қалды.
Жарыс нәтижесі бойынша, Кирилл Проходов бесінші орынға ие болса, Богдан Лукин сегізінші орынға тұрақтады. Ал Георгий Тинников 12-орын, Нұржан Әбжанов 129, Алексей Касаткин 144-орын алды.
Еске салайық, рапирамен семсерлесуден Қазақстан жасөспірімдер құрамасының мүшесі София Ақтаева Фуджейрадағы (БАӘ) әлем кубогі кезеңінде алтын медаль еншілеген еді. Ол финалда Қытай спортшысы Яжихэ Тэні 15:13 есебімен жеңді. София 1/16 және 1/8 финалда да қытайлық спортшылардан басым түссе, ширек финалда Макао өкілін, жартылай финалда мажарстандық спортшыны ұтқан.
Мақаланың түпнұсқасы: https://kaz.nur.kz/sport/other-sports/2208236-uzdik-ondyqta-qazaqstandyq-semserlesushiler-alem-kubogynda-zhogary-natizhe-korsetti/
