Бүгін IX қысқы Азия ойындарында шаңғы жарысы командалық эстафетамен аяқталды. Қазақстан ерлер құрамасы мәреге үшінші келіп, қола жүлдеге ие болды. Бұл туралы KAZ.NUR.KZ Туризм және спорт министрлігіне сілтеме жасап хабарлайды.
4х7,5 шақырымдық жарыста еліміздің атынан Константин Борцов, Наиль Башмаков (классикалық әдіс), Олжас Климин мен Владислав Коволев (еркін әдіс) сынға түскен. Мұнда барлығы 9 елдің құрамасы жүлдеге таласқан.
Эстафета нәтижесі бойынша жарыс қожайыны Қытай командасы чемпион атанса, күміс Жапония шаңғышыларына бұйырған.
Айта кетейік, шаңғы жарысынан Харбин-2025 бәсекесінде Қазақстан төрт жүлдеге қол жеткізді. Осыған дейін жекелей сында Константин Борцов күміс, Олжас Климин қола медаль алса, әйелдер командасы эстафетада күміс медаль еншіледі.
Мақаланың түпнұсқасы: https://kaz.nur.kz/sport/other-sports/2220093-aziada-205-shanggy-zharysynan-el-qorzhynyna-tagy-bir-qola-medal-tusti/
