Қытайдағы қазақ қызы Моңғолиядағы Гранд-Слэм турнирінің күміс жүлдегері атанды

Қытайда дүниеге келген қазақ қызы Айман Жеңіснұр дзюдодан Моңғолияда өткен Гранд-Слэм турнирінде күміс медальға қол жеткізді, деп хабарлайды 1bol.kz порталына сілтеме жасаған KAZ.NUR.KZ.

Басылымның жазуынша, +78 келі салмақта сынға түскен қандасымыз финалда әлем чемпионатының күміс жүлдегері, француздық Леа Фонтенмен белдескен.

Тартысқа толы белдесуде қарсыласына есе жіберіп, Айман турнирде екінші орынға тұрақтаған.

Айман Жеңіснұр алғаш рет Гранд-Слэм жарысының финалына шығып отыр.

Бұған дейін ол Ташкенттегі Гранд-Слэмде қола медаль еншілеген. Ал Бангкоктегі Азия чемпионатында топ жарып, алтыннан алқа таққан.

Айта кетейік, 21 жастағы Айман Жеңіснұр Қытайдың Құлжа қаласы, Іле автономиясында дүниеге келген.

Мәтіннен қате тапсаңыз, бізге жазыңыз