Қазақстанда алғаш рет семсерлесуден Әлем кубогы өтеді

Қазақстанда алғаш рет Халықаралық семсерлесу федерациясының (FIE) негізгі турнирлерінің бірі – шпагамен семсерлесуден әлем кубогы өтеді. Бұл туралы ұлттық семсерлесу федерациясына сілтеме жасаған KAZ.NUR.KZ хабарлайды.

Федерацияның мәліметінше, әлем кубогы 26-29 наурыз аралығында Астанадағы жеңіл атлетика спорт кешенінде өтеді.

Бұрын мұндай деңгейдегі жарыстарды Марракеш пен Буэнос-Айрес өткізген, ал БАӘ, Германия, Швейцария және Канада әлем кубогын тұрақты түрде қабылдап келеді. Биыл Қазақстан алғаш рет қабылдаушы елдердің элиталық тізіміне қосылған.

Турнирге 96 елден 600-ден астам спортшы қатысады. Жарыстар ерлер мен әйелдер арасында жеке және командалық есепте өтеді.

Турнирде Қазақстан ерлер құрамасының атынан танымал отандық семсерлесушілер – Руслан Курбанов, Эльмир Алимжанов, Ерлік Сертай, Кирилл Проходов және Вадим Шарлаимов өнер көрсетеді.

"Әлем кубогын Астанада өткізу – жоғары деңгейдегі ұйымдастырушылықты, FIE сенімін мойындау және Орталық Азия аймағында семсерлесуді дамытудағы маңызды қадам", - делінген хабарламада.

Мәтіннен қате тапсаңыз, бізге жазыңыз