Өзбек шенеуніктері Шахзоданың әнін түкке тұрғысыз деп атады

Опубликовано:

Өзбекстанның Ұлттық баспасөз орталығында жиын өткізген «Өзбекнаво» эстрадалық бірлестігі (өнер қызметкерлеріне жетекшілік ететін, лицензия беретін басты орталық) өзбек әншісі Шахзоданың жаңа әнін түкке тұрғысыз етіп сынады.

Ән тәуелсіздіктің 25 жылдығына арнап жазылған деп хабарлайды centralasian.org.

Өнер және мәдениет қайраткерлері мен журналистер қатысқан жиында сөз алған Өзбекстанның халық әртісі Шухрат Каюмов жас әншінің әндерін дарынсыз деп атады. Ол әсіресе, жақында жазылған «Өзбегім» әнінің сөздеріне тоқталды.

«Бір танымал әнші телеарнаға жаңа әнімен шығып, «Саған 25 жыл, менің өзбегім» дейді. Өзбек ұлтының 25-ке келгенін қайдан көрдіңіз? Өзбекстан тәуелсіздігіне 25 жыл, өзбек ұлтына емес!» – деді Каюмов.

Оның пікірінше, мұндай қателіктерді жібермеу үшін «Өзбекнаво» жанынан көркемдік кеңес құрылып, оған елдің ақын, жазушылары, сазгерлері мүше болуға тиісті. Сонымен бірге жаңа әндерді эфирге жіберер алдында «иненің көзінен» өткізіп, тексеру керек дейді.

Өзбекстанның жас әншісі орындап шыққан «Өзбегім» әнінің сөздерін жазған елдің танымал халық ақыны, бүгінде Олий Мәжіліс депутаты Икбола Мирзо екен. Өзбекстанның мәдени сыншылары ең алдымен әнші Шахзоданы емес, ақынды сынауы тиіс дейді.

Тағы оқыңыздар:

Алматыда тағы бір полиция қызметкері көз жұмды

Алматы жұртшылығын дүрліктірген адам тергеу изоляторына қамалды

Қазақстандықтар Алматыда қаза болған теракт құрбандарын аза тұтуда

Алматылық тұрғын қаза тапқан полицейлердің арасынан көршісін көріп, есеңгеріп қалған

Ішкі істер министрі: Екінші күдікті сыбайлас емес, кепіл тұтқын

Алматыдағы атыс кезінде қаза болған старшина ондаған адамды ажалдан арашалаған

Мақаланың түпнұсқасы: https://kaz.nur.kz/world/1194515-ozbek-sheneunikteri-shakhzodanynh-anin-t/