Атамбаев әйелдерді хиджап емес, ұлттық киім киюге шақыратын баннер ілгізіп жатыр (фото)

Опубликовано:

Қырғызстан президенті Алмазбек Атамбаев «Қайран елім, қайда бара жатырмыз?» деген жазуы бар, әйелдерді хиджап емес ұлттық киім киюге шақыратын баннерді Қырғызстанның барлық жеріне ілуді тапсырды.

Президент мұны Германия канцлері Ангела Меркельмен кездесуінде мәлім етті деп жазады oinet.kz.

"Мен бүгін президент аппаратына осындай баннерді Қырғызстанның барлық жерінде ілуге қаржы бөлуді тапсырдым. Біз қырғыз мәдениетін Пәкістан, Бангладеш мәдениетімен шатастырмауымыз керек. Бұл бөтен мәдениетті әкеліп тықпалау", - деді президент.

"Осындай баннер бізге қажет. Онда жаман ештеңе айтылып тұрған жоқ. Үш сурет және бір сұрақ. «Біз қайда бара жатырмыз? «Біз қайда баруымыз керек?» дейді. Түнде біреулер баннерді жыртып тастапты. Мұны өзгелердің пікірін тыңдағысы келмейтіндер істеген", - деген президент бүгін ұлттың киімі мен тіліне өктемдік жүргізгісі келетіндердің ертең ұлттың басын кесетінін тілге тиек етті.

"Тәуелсіздік жылдары Қырғызстан дінмен айналысқан жоқ. Осыдан үш жыл бұрын осы мәселені қолға алдық. Дін саласындағы тұжырымдаманы қабылдадық. Қандай жағдай болса да біз жалпы адамзаттық құндылықтарға арқа сүйеуіміз керек. Біз зайырлы мемлекетпіз", - деді Атамбаев.

«Кайран элим кайда баратабыз?» деген жазуы бар баннер қазір қырғыз қоғамында үлкен пікір туғызып жатыр. Мұны қолдаушылар да, сонымен бірге «дұрыс емес» деушілер де көп.

Тағы да оқыңыздар:

Есепті "шемішкеше шағатын" Шөкеевтің біз білмейтін қырлары қандай? (фото)

Ақтөбеде жетімдер үйіндегі қорғансыз қызды малшылар зорлап келген (фото)

Мұхамедиұлы өзін масқаралаған режиссерден 1 теңге көлемінде "өтемақы" талап етті

Алматыда полицейлерді қырып салған лаңкестің әйелі елден кешірім сұрады

Шенділер енді қарапайым халыққа байқамай «сен» деп сөйлесе, сотталып кетуі мүмкін

Мақаланың түпнұсқасы: https://kaz.nur.kz/world/1197210-atambaev-ayelderdi-khidzhap-emes-qultt/