Грузияда арқанжол үзіліп кетіп, адамдар секіруге мәжбүр болған

Грузияның Гудаури аймағында төтенше жағдай болып, арқанжол адамдарды жан-жаққа лақтырған деп хабарлайды Вaq.kz агенттігіне сілтеме жасаған NUR.KZ.

Гудаури курорттық аймағында арқанжолдың істен шығуы салдарынан он адам жарақат алды. Грузияның Ішкі істер министрлігі оқыс оқиғаның мән-жайын тергеуді бастап кетті.

Алдын ала мәліметтерге сүйенсек, тау-шаңғы трассасындағы арқанжол апатты жағдайда тоқтап, кері бағытта қозғалған. Соның салдарынан он адам орташа дәрежедегі жарақат алды.

«Оқиға орнына шаңғы патрулінің қызметкерлері, жедел жәрдем бригадасы келді. Зардап шеккендер Гудауридағы амбулаторияға жеткізілді», - делінген ведомсвто таратқан хабарламада.

Грузияның тау курортын дамытатын компания өкілдері мемлекетпен бірлесіп, зардап шеккендердің шығынын толық өтейміз деп отыр.