Оқушысымен төсектес болғаны үшін тұтқындалған мұғалім масқара болды

АҚШ-тағы Аризона штатының тұрғыны Британни Замора өзінің 13 жастағы оқушысымен жыныстық қатынасқа түскені үшін тұтқындалды. Бұл туралы полиция бөліміне баланың анасы хабарлаған. Ол ұлының ұялы телефонынан күдікті хабарламаларды тауып алған соң құзырлы органдарға жүгінген деп хабарлайды life.ru-ға сілтеме жасаған NUR.KZ

Гудиер қаласындағы мектептердің бірінде сабақ беретін Британни Замора полицияға келіп түскен арыздан кейін екі сағат көлемінде тұтқындалған.

Тәртіп сақшыларының мәлімдеуінше, келтірілген хабарламалар жиынтығы мұғалім мен оқушы арасындағы сексуалды қарым-қатынасты толығымен дәлелдейді.

«Біз олардың арасында қарым-қатынас бар екенін сезетінбіз. Себебі екеуі тым жақын араласа бастады», - дейді оқушылардың бірі.

Оның үстіне Британни Замораның тұрмыстағы әйел екені анықталды. 27 жастағы мұғалімге қандай жаза тағайындалатыны әзірге белгісіз.