Әлем Чемпионатына келетін ең сымбатты футболшылар белгілі болды

Бүгінде футбол ойынын ер азаматтармен бірге нәзік жандылар да жібермей көруге тырысады. Алайда қыздарды көбірек қызықтыратын қақпаға түскен гол емес, сол доппен ойнайтын сымбатты жігіттер екен. Осы орайда Ресейде өтетін жарысқа қатысатын ең сымбатты футболшылар тізімін Super сайтына сілтеме жасаған NUR.KZ порталы хабарлайды.

Андре Силва

Алғашқы орында 22 жастағы португалиялық спортшы Андрес Силва. Өзі жас болса да, талапты жігіт ФК "Милан" тобында мықты ойын көрсетіп, 2018 жылғы әлем чемпионатына жолдама ұтып алды.

Серхио Рамос

"Реал" футбол командасының капитаны, 32 жастағы Серхио Рамос өзіне ғашық қыздардан әскер жасақтап алатын шамаға жетті. Ол өзінің сымбаты жағынан Роналдудың алдына шыға алмаса да, Ресейге келетін тартымдылар қатарында.

Марио Гомез

Тағы бір 32 жастағы сымбатты азамат Марио Гомездің испандық түбірі бар екені баршаға мәлім. Ол тек шаршы алаңда доп теуіп қана қоймай, Hugo Boss брендінің бет-бейнесіне айналған.

Неймар да Силва Сантос Жуниор

Неймар кей адамдарға соншалықты сымбатты болып көрінбегенімен, оның костюм таңдаудағы талғамымен ешкім таласа алмайды. Оған қоса 26 жастағы футболшы Роналду мен Мессидің ізін басып келеді деп айтуға негіз бар.

Мартин Касерес

Бұл 31 жастағы жігіт Уругвай құрамасында ойнайтын болады. Оның анық шығып тұратын бетсүйегі мен әбден шыныққан дене бітімі қыздарды қызықтырмай қоймайды.

Антуан Гризманн

27 жастағы Франция құрамасының футболшысы Антуан Гризманн да талай арудың жүрегін жаулап үлгерді. Алайда сымбатты спортшының басы бос емес. Ол үйленген және бүгінде екі жасар қыздың әкесі.

Марко Асенсио

22 жастағы Испания құрамасының жартылай қорғаушысы Марко Асенсио. Өзі жас әрі сымбатты футболшы басы бос болғандықтан, нәзік жандылар қауымының негізгі үмітіне айналған.