Әлемнің тағы бір елі үшінші жынысты мойындады

Австрияның конституциялық соты интерсекс-адамдарға арналған "үшінші жыныс" құжатына қатысты оң шешім шығарды. Бұл туралы Oxu.Az-ға сілтеме жасаған NUR.KZ хабарлайды.

Сот шешіміне сәйкес аталмыш заң өзгермейтін болады. Себебі онда ер немесе әйел жынысын белгілеудің нақты талабы жоқ.

Алайда, енді интерсекс-адамдарды анықтау үшін басқа сөздерді қолдану мүмкіндігі тумақ.

Австрияның конституциялық соты адам құқықтары жайлы еуропалық конвенцияның сегізінші бабына сүйеніпті. Онда "тұлғалық сексуалды бірдейлік" құқығына кепілдік беріліп, адамдар баламалы сексуалды бірдейліктен қорғалған.

Сот үшінші жыныстың барын интерсекс-белсенді Алекс Юргеннің ісін қарағаннан кейін таныды. Ол құжаттарындағы жынысты "интерсекс", "ашық" немес басқа сөзбен ауыстырғысы келген.