8 немересі бар әже жақында төртемді дүниеге алып келеді
Опубликовано:
50 жастағы Трейси Бриттен жақында төртемді босанып, Ұлыбританиядағы ең қарт ана атанады. Әйел Кипрда экстракорпоральды ұрықтандыру арқылы бала көтеріп, қазір жүктіліктің 25-аптасына таяған. Бұл туралы Life.ru сайтына сілтеме жасаған NUR.KZ порталы хабарлайды.
Трейсидің құрсағындағы сәбилері 32 аптаға толғанда, дәрігерлер оны кесер тілігі арқылы босандырып алмақ. Мамандар оған үш қыз бен бір баланың анасы болатынын айтыпты.
"Мен әр жыл сайын тағы бір бала туып алуды қалайтынмын. Жасым 50-ге таяған кезде, оны қолдан жасатайын деп шештім", - дейді Трейси.
Әйел өзін сынап, сыртынан сөз айтатындарға мән бермейді екен.
"Мен осы жаста босанып жатқан алғашқы және соңғы әйел емеспін. Жасым 50-де болса да, өзімді одан жас сезінемін. Менің басымнан не өткенін ешкім де білмейді", - дейді ол.
Трейсидің 2003 жылы айырылысып кеткен алғашқы жұбайынан үш баласы бар. Ал Стивенді кездестіргеніне екі жылдың жүзі болыпты.
Мақаланың түпнұсқасы: https://kaz.nur.kz/world/1752646-8-nemeresi-bar-ze-zakynda-trtemdi-dniege-alyp-keledi/
