"Тақтар ойынындағы" ең ірі актер өзінен екі есе аласа қызға үйленіп, ел назарына ілікті

Опубликовано:

"Тақтар ойыны" (Игра престолов) телехикаясының актері Хафтор Бьернссон өзінің Instagram парақшасында үйлену тойының суреттерін жариялап, табынушыларының қызу талқысына түсті деп жазады bigpicture сайтына сілтеме жасаған NUR.KZ

instagram
Фото:Instagram: UGC

Актер өмірлік жұбайы ретінде өзінен екі есе кіші Келси Хенсонді таңдаған.

Актердің бойы 206 сантиметр, ал салмағы 180 келі. Ал Келсидің бойы 158 сантиметр. Екеуі 2017 жылдың қыркүйегінен кездесе бастапты.

Ғашықтар әлеуметтік желідегі парақшаларында үнемі суреттерін салып жүрсе де, табынушылары олардың бой айырмашылығын талқылауды қоймайды.

Бойы екі метрлік жігіттің қасында Келси Хенсон түймеқыздай көрінеді.

Ғашықтар үйлену тойларының суреттерімен қоса жүрек елжірететін жазбалар қалдырған.

"Келси Хенсонды енді жұбайым деп атайтыныма қатты қуанып тұрмын. Өмірімізде қандай қиыншылық болмасын, бұл әйелді қорғауға әзірмін! Бізді алда күтіп тұрған барлық шытырман оқиғаларды бірге бастан кешіретінімізді ойлап толқып отырмын", - деп жазды Хафтор суретінің астына.

"Қалған өмірімді осы алып жігіттің қасында өткіземін деп үміттенемін. Сені қазір және мәңгі сүйемін. Әрқашан жаныңда болуға уәде беремін", - деп жазды Келси.

Мақаланың түпнұсқасы: https://kaz.nur.kz/world/1759368-taktar-ojynyndagy-e-iri-akter-zinen-eki-ese-alasa-kyzga-jlenip-el-nazaryna-ilikti/