Иран жағалауында 30 адам мінген БАӘ кемесі суға батып бара жатыр (видео)

Порт және теңіз ұйымының ақпараттық базасы ресми сайтында Біріккен Араб Әмірліктерінің теңіз кемесі Иранның оңтүстігінде суға батып бара жатқанын хабарлады.

Кемеде 30 экипаж мүшесі бар. Іздестіру-құтқару операциясы жүргізіліп жатыр. Кеме Иранның оңтүстігіндегі Эселуйе қаласының жағалауында суға бата бастаған.

Әзірге қайтыс болғандар немесе зардап шеккендер туралы ақпарат жоқ.

Сондай-ақ, кеменің ауа райының қолайсыздығынан батқаны хабарланды.

Еске сала кетсек, бұған дейін Жапонияның солтүстік-шығысында 7,3 балдық жер сілкінісі болып, салдарынан екі адам қаза тапқанын жазған едік. Сонымен қатар, 126 адам жарақат алған.

Жер сілкінісінің эпицентрі - Тынық мұхитында орналасқан.

Жер асты дүмпулері Жапонияның шығысында сезілген және елдің солтүстік-шығысында цунами қаупін тудырған.

Салдарынан Фукусима мен Мияги префектурасының жағалауларындағы толқынның биіктігі шамамен 30 см-ге жеткен.

Аталған аудандарда тұратын жүздеген адам қауіпсіз жерлерге көшірілген болатын.