Өзбекстан синоптиктері елде 47 градусқа дейін күн ыситынын айтып, дабыл қақты

Өзбекстанның гидрометеорологиялық қызмет орталығы елде ауа температурасының 47 градусқа дейін көтерілетіні туралы шұғыл ақпарат таратты, деп хабарлайды ҚазАқпарат меншікті тілшісі.

Ведомствоның мәліметінше, 17-22 шілде аралығында Өзбекстан аумағына Түрікменстан арқылы Иран аймақтарынан ыстық ауа әсер етеді.

Өзгидрометтің дерегінше, осыған байланысты күндіз ауа температурасы:

• Қарақалпақстан Республикасы, Хорезм, Бұхар, Навои, Қашқадария, Сурхандария облыстарында 44-47 градусқа дейін;
• Ташкент, Самарқан, Жизақ, Сырдария облыстарында 42-45 градусқа дейін;
• Ферғана алқабының облыстары бойынша 41-43 градусқа дейін көтеріледі.

Ведомствоның хабарлауынша, сондай-ақ республика бойынша кей жерлерде жел 15-20 м/с-қа дейін, жекелеген аудандарда 22-25 м/с-қа дейін күшейеді.

Мақаланың түпнұсқасы: https://kaz.nur.kz/world/1978607-ozbekstan-sinoptikteri-elde-47-gradusqa-deiin-kun-ysitynyn-aityp-dabyl-qaqty/