Жапонияда үкіметтің жаңа құрамы бекітілді

Өз орнын сақтап қалған жапон министрлер кабинетінің бас хатшысы Хирокадзу Мацуно арнайы баспасөз мәслихатында бұған дейінгі өзгерістерден кейін үкіметтің жаңа құрамын оқып берді, деп хабарлайды ТАСС.

Жапонияның сыртқы істер министрі Есимаса Хаяси, қаржы министрі Сюнъити Судзуки, мемлекеттік жерлер, инфрақұрылым, көлік және туризм министрі Тэцуо Сайто және экономиканы қалпына келтіру министрі Дайсиро Ямагива үкіметтегі орындарын сақтап қалды.

Жапонияның жаңа қорғаныс министрі болып 66 жастағы Ясукадзу Хамада, ал экономика, сауда және өнеркәсіп министрі болып Ясутоси Нисимура тағайындалды. Хамаданың ізашары Нобуо Киси болды, ол 2020 жылдан бері қызмет етіп келеді.

Бұған дейін Кисида әкімшілігіндегі ақпарат көздері министрлер кабинетінің бас хатшысы Хирокадзу Мацуно, сыртқы істер министрі Есимаса Хаяси және қаржы министрі Сюнъити Судзуки өз қызметтерінде қалатынын хабарлаған болатын.