Иран тарихында 43 жылдан кейін алғаш рет спортшы қыз жарысқа хиджабсыз шықты
Опубликовано:
Ирандық спортшы Эльназ Рекаби Сеулде өткен (Оңтүстік Корея) құзға өрмелеуден Азия чемпионатында жарысқа хиджабсыз шықты. Бұл ел тарихында 43 жылдан кейін алғаш рет болып отырған жағдай, деп хабарлайды KAZ.NUR.KZ Чемпионат.com сайтына сілтеме жасап.
Басылымның жазуынша, спортшы жарысқа шашын жай ғана жинап шыққан.
Эльназ Рекаби осылайша Иранның 1983 жылғы заңын бұзған, оған сәйкес көпшілік алдына жалаңбас шыққан әйелдер қылмыстық қудалауға ұшырап, айыппұл арқалайды.
Басылым Рекабидің Иранда 43 жылда алғаш рет осы қадамға барған алғашқы спортшы екенін атап өткен. Иран спортшысы бұл әрекеті арқылы полиция ұстағаннан кейін қайтыс болған 22 жастағы Махса Аминидің өліміне наразылық білдіргісі келген.
Белгілі болғандай, Сеуелдегі Азия чемпионатында Елназ Рекаби төртінші орын алған. Ол 2021 жылы Мәскеуде өткен әлем чемпионатында жарысқа хиджабпен шыққан болатын. Ол уақытта көпсайыста Рекаби қола жүлдегер атанған еді.
Мақаланың түпнұсқасы: https://kaz.nur.kz/world/1993237-iran-tarixynda-43-zyldan-keiin-algas-ret-sportsy-zarysqa-xidzabsyz-syqty-video/
