БАҚ: 53 жастағы танымал бизнесмен Монакода тікұшақ апатынан мерт болды
Опубликовано:
Forex Club компаниясының негізін қалаушы, валюта нарығындағы беделді операторлардың бірі Вячеслав Таран Монакодағы әуе апатынан көз жұмды. Бұл туралы Lenta.ru жергілікті басылымға сілтеме жасап хабарлады.
Монкалық БАҚ-тың мәліметінше, 53 жастағы бизнесмен тікұшақ апатынан қайтыс болған. Әуе рейсіне жауапты компания апат себептерін ашық айтудан бас тартқан. Сондай-ақ апаттан 35 жастағы ұшқыш та мерт болған.
Вячеслав Таран Forex Club-ты 1997 жылы құрған. Ол әлемдегі беделді бизнесмендер қатарында тұр. Соңғы он жылда Монакода өмір сүрген.
Сондай-ақ ол "Өміріңді өзгерт" қорын құрып, өзге де қоғамдық жұмыстарға атсалысқан.
Марқұмның артында әйелі мен үш баласы қалды.
Мақаланың түпнұсқасы: https://kaz.nur.kz/world/1999220-53-zastagy-tanymal-biznesmen-monakoda-tikusaq-apatynan-mert-boldy/