Қытайда химия зауытында жарылыс болды: құрбандар бар (видео)

Қытайдың Ляонин провинциясы Паньцзинь ауданында химия зауытында жексенбі, 15 қаңтар күні күшті жарылыс болды. Оқиға салдарынан екі адам қаза тапты, деп хабарлайды РИА Новости жергілікті БАҚ-қа сілтеме жасап.

БАҚ-тың хабарлауынша, Қытайдың солтүстік-шығысындағы Ляонин провинциясындағы химия зауытында жарылыс пен өрт болып, екі адам қаза тапты, 34 адам жарақат алды.

"Алдын ала мәлімет бойынша екі адам қаза тапты, 12 адам із-түзсіз жоғалды, төрт адам ауыр, 30 адам жеңіл жарақат алды", – деп хабарлады жергілікті БАҚ.

РБК жарылыс алкилдеу қондырғысына қызмет көрсету кезінде (органикалық қосылыс молекуласына алкил алмастырғышты қосу нәтижесінде пайда болатын химиялық реакция) болғанын хабарлайды. Алкилдеу өнеркәсіпте және мұнай өңдеу өнеркәсібінде қолданылады.

Үйі зауыттың жанында орналасқан жергілікті тұрғынның қытайлық басылымға айтуынша, жарылыс кезінде қатты гуілдеген дыбыс естіген, содан кейін үйінің терезелері жарылған, деп хабарлайды РИА Новости. Ол сондай-ақ оқиға болған жерде қалың түтін бағанасын көргенін айтты.

Мәтіннен қате тапсаңыз, бізге жазыңыз