"Бриджертон" сериалының жұлдызы әлемдегі ең сымбатты ер адам атанды

Лондондағы косметикалық және пластикалық хирургия орталығының жетекшісі, дәрігер Джулиан Де Сильва британдық актер Реге-Жан Пейджді әлемдегі ең сымбатты ер адам деп атады. Бұл туралы KAZ.NUR.KZ Metro басылымына сілтеме жасап хабарлайды.

Маманның сөзінше, "Бриджертон" сериалының 34 жастағы жұлдызы Реге-Жан Пейдждің бет-әлпеті мінсіз келбетке 93,65 пайызға ​​жақын.

Де Сильваның айтуынша, актердің әсіресе қоңыр түсті көздері ерекше әдемі.

"Оның ернінің де пішіні мінсіз. Сәл төмен ұпай алған беттің жалғыз бөлігі – мұрны ғана", – дейді Де Сильва.

Дәрігер әлемдегі ең сымбатты ерлердің рейтингінде екінші орынға австралиялық актер Крис Хемсвортты лайық деп тапқан. Оның бет-әлпеті мінсіз келбетке 93,53 пайыз жақын.

Үшінші орында америкалық актер Майкл Би Джордан тұр. Оның бет-әлпеті мінсіз келбетке 93,46 пайыз жақын.

Рейтингтегі төртінші орын британдық әнші Гарри Стайлске бұйырған. Оның бет-әлпеті мінсіз келбетке 92,30 пайыз жақын.