Түркияның шығысындағы жер сілкінісі: ғимараттар қирап, ондаған адам жарақат алды (видео)

Түркияның табиғи апаттардың алдын алу және зардаптарын жою басқармасының (AFAD) басшысы Юнус Сезер Малатья қаласында болған жер сілкінісі салдарынан бір адам қаза тауып, 69 адам зардап шеккенін айтты. Бұл туралы KAZ.NUR.KZ РИА Новости агенттігіне сілтеме жасап хабарлайды.

"Біздегі мәлімет бойынша өкінішке қарай, жер сілкінісі салдарынан бір азаматымыз қайтыс болып, түрлі дене жарақатын алған 69 адам ауруханаға жеткізілген", – дейді Юнус Сезер брифингте.

AFAD өзінің Twitter-дегі аккаунтында хабарлағандай, жер сілкінісі салдарынан 29 ғимарат қираған.

Айта кетейік, бүгін Түркияның шығысында, Малатья қаласынан 11 км жерде күші 5,2 балл болатын тағы бір жер сілкінісі тіркелді.

Жер сілкінісі салдарынан үйлер опырылған. Қазіргі таңда төтенше жағдай аймағында құтқарушылар жұмыс істеп жатыр.