Дуров Telegram құқық бұзғандардың IP мекенжайы мен телефон нөмірін тиісті органдарға беретінін айтты

Telegram мессенджерінде қызмет көрсету шарттары мен құпиялылық саясаты жаңартылды. Бұл туралы Павел Дуровтың қолданушыларға арнаған үндеуіне сілтеме жасаған KAZ.NUR.KZ хабарлайды.

Павел Дуров өзінің арнасында Telegram-дағы іздеуді заңсыз тауарларды сату үшін қызмет көрсету шарттарын бұзған адамдар теріс пайдаланғанын айтты. Оның айтуынша, соңғы бірнеше аптада жасанды интеллектті қолданатын арнайы модераторлар тобы Telegram іздеуді әлдеқайда қауіпсіз етті. Сонымен қатар "проблемалық контент" жойылды.

"Қылмыскерлердің Telegram іздеулерін теріс пайдалануына жол бермеу үшін біз бүкіл әлем бойынша бірізділікті қамтамасыз ету үшін қызмет көрсету шарттарын және құпиялылық саясатын жаңарттық. Біздің ережелерімізді бұзғандардың IP мекенжайлары мен телефон нөмірлері негізделген заңды сұрауларға жауап ретінде тиісті билік органдарына берілуі мүмкін екенін анық көрсеттік", - деп жазды Дуров.

Ол Telegram-дағы іздеу заңсыз тауарларды жарнамалау үшін емес, достар мен жаңалықтарды табуға арналғанын айтты.

Дуровтың Францияда қамауға алынуы

Telegram мессенджерінің негізін қалаушы Павел Дуров 24 тамызда Францияда қамауға алынды.

Франциядағы БАҚ өкілдерінің мәліметінше, Telegram-ның негізін қалаушы және бас директоры Павел Дуров жеке ұшағынан шығып бара жатқан жерінде ұсталған.

Кейін франциялық БАҚ Дуровты қамауда ұстау мерзімі ұзартылғанын мәлімдеді.

Бұл жайтқа америкалық журналист Такер Карлсон X әлеуметтік желісіндегі парақшасында пікір білдіріп, Павел Дуровтың қамауға алынуы шындық цензурасынан бас тартатын кез келген онлайн платформа иесіне ескерту екенін айтты.

Қазақстанның цифрлық даму министрі Жаслан Мәдиев Дуровқа қолдау білдіретінін жеткізді.

Франция прокуратурасы Дуровтың ісіне байланысты мәлімдеме жасап, 12 қылмыс бойынша айып тағылғанын жария етті.

Одан бөлек, Франция президенті Эммануэль Макрон Павел Дуровтың тұтқындалуын "саяси шешім емес" екенін мәлімдеді.

БАӘ Сыртқы істер министрлігі Павел Дуровтың қамауға алынуына қатысты мәлімдеме жасады.

Біріккен Араб Әмірліктерінің Сыртқы істер министрлігі Ле-Бурж әуежайында француз билігі тұтқындаған БАӘ азаматы Павел Дуровтың ісін мұқият қадағалап отырғанын және олар Франция үкіметіне жедел түрде толық консулдық қызмет көрсету туралы өтініш жібергенін мәлімдеді.

Ал 28 тамызда бірнеше БАҚ Telegram мессенджерінің негізін қалаушы Павел Дуров Парижде сотқа жеткізіліп, ғимарат сыртына арнайы қоршау қойылды деген ақпарат таратты.

Кейін сотта Павел Дуровты судья 5 миллион еуро кепілге босатқаны хабарланды.

Сонымен қатар Дуров қамауға алынғаннан кейінгі алғаш рет мәлімдеме жасады.