Грузияның жаңа президенті қызметіне кірісті
Жарияланған күні:
Михаил Кавелашвили Грузия президенті қызметіне кірісті. Тбилисиде жаңа мемлекет басшысының ұлықтау рәсімі өтті. Бұл туралы РИА Новостиге сілтеме жасаған KAZ.NUR.KZ хабарлайды.
Ұлықтау рәсімі ел парламенті ғимаратында өтті. Михаил Кавелашвили салтанатты ант сөздерін айтты, одан кейін Грузияның әнұраны шырқалды.
Сонымен бірге, РИА Новости атап өткендей, жаңа президенттің ізашары Саломе Зурабишвили бастапқыда Кавелашвилидің заңдылығын мойындамайтынын және қызметінен кеткісі келмейтінін мәлімдеді.
Алайда бүгін ол жаңа мемлекет басшысының инаугурациясынан кейін президенттік сарайдан кететінін, бірақ "халықпен бірге қалатынын" және жаңа парламенттік сайлауды тағайындау үшін күресетінін мәлімдеді.
"Алты жыл бұрын мен Конституцияға адалдығым туралы ант бердім, сондықтан мен осындамын. Мен сіздермен, халықпен бірге боламын", - деді Саломе.
Мақаланың түпнұсқасы: https://kaz.nur.kz/world/2206431-gruziianyng-zhanga-prezidenti-qyzmetine-kiristi-video/
