Таиландтың Камбоджамен шектескен аймақтарында әскери режим енгізілді

Чантхабури және Трат провинцияларының шекара қорғаныс қолбасшылығы Таиланд билігі Камбоджамен шектесетін сегіз округте әскери жағдай енгізгенін мәлімдеді, деп хабарлайды Zakon.kz.

ThaiPos басылымының мәліметінше, ведомство "Камбоджаның Таиланд Корольдігінің шекарасына басып кіру үшін күштер мен қару-жарақ қолдануына" байланысты шаралар қабылдау қажет екенін айтқан.

"Бұл жайт егемендік пен аумақтық тұтастықты, соның ішінде адамдардың өмірі мен мүлкін  қорғау үшін әскери, барлық тарапты, соның ішінде әскерилерді, полицияны, азаматтық тұлғаларды да жұмылдыруды талап етеді", делінген хабарламада.

Әскери жағдай мына аудандарда жарияланды:

• Муанг Чантабури,
• Тха Май, Макхам,
• Лаем Синг,
• Каенг Ханг Маео,
• На Яйам,
• Хитчакут сондай-ақ Чантабури провинциясы.

Бұған дейін СІМ Таиландтағы қазақстандық туристерге қауіп төніп тұрмағанын хабарлаған. Таиланд пен Камбоджа арасындағы қақтығыс 2025 жылдың мамырында екі елдің әскери шекарасында болған атыстан ушыққан. Салдарынан бір камбоджалық сарбаз қаза тапты. 

Мәтіннен қате тапсаңыз, бізге жазыңыз