Зеленский кеңсесінің басшысы ірі жемқорлық жанжалынан кейін отставкаға кетті

Украина президентінің жетекшісі Андрей Ермак отсавкаға кетті. Бұл туралы Владимир Зеленскийдің өзі видео үндеу кезінде айтты, деп "Страна.ua"-ға сілтеме жасаған KAZ.NUR.KZ хабарлайды.

Басылымның хабарлауынша, Ермак жемқорлыққа қарсы ұлттық бюро қызметкерлерінің тінту жұмыстарынан кейін отставкаға кетті.

Зеленский өз үндеуінде президент кеңсесінде қайта қалыпқа келтіру әрекеттері болатынын хабарлады. Оның сөзінше, ертең Ермактың орнына келетін болжалды кандидаттармен келіссөздер басталады.

УНИАН ақпаратынша, Украина басшысы Ермакқа Украина пікірін әркез дұрыс жеткізе білгені үшін алғысын білдірді.

"Украинада ешкімнің сұрақтары болмағанын қалаймын. Сол себепті кезекті ішкі шешімдер орын алды. Бұл әрқашан патриоттық ұстаным болды. Бірақ мен түрлі қауесеттер болғанын қаламаймын. Кеңсенің жаңа басшысына қатысты айтатын болсам, ертең бұл орынға келуі мүмкін адамдармен кеңес өткіземін", - деді Зеленский.

Оған қоса президент Украинаның қауіпсіздік қызметіне өңірлердегі құқыққорғау органдарының жқмысын тексеруді тапсырды.

"Өңірлерде негативті жағдайлар көп. Шешімдер қабыланатын болады", - деді Зеленский.

Мәтіннен қате тапсаңыз, бізге жазыңыз