RU

Ерлі-зайыптылардың бір-бірінен суып кетуінің себебі неде?

Отбасылық өмір кинодағыдай тек бақытты сәттерден тұрмайды. Алда қаншама қиыншылықтар мен сынақтар күтіп тұрады. Солардың бірі – ерлі-зайыптылардың ара-қатынасының салқындауы деп жазады Асыл сөз.

Ол жайлы көптеген қыз-келіншектер айтып жатады. Ендеше, салқындықтың пайда болуының басты себептері неде, қайтсе жұбайының сүйіспеншілігін арттыруға болады?

Әйелдің еріне бағынбауы. Ер адам – өзі құрған кішігірім мемлекеттің басшысы, сондықтан қол астындағылардың өзіне бағынғанын қалайды. Билікке тағы бір адамның таласқанын ұнатпайды.

Ата-анасын, жақындарын сыйламауы. Ері әйелін қанша жақсы көріп тұрса да, әйелі оның ата-ана, бауырларын сыйламаса көңілі қалады.Себебі олар еріңіз үшін ең қымбат жандар.

Әйелге тән нәзіктік пен әдемілікті жоғалтып алу. Ер адам әйелінің әрқашан әдемі, нәзік, мейірімді, жылы жүзді болып жүргенін қалайды.

Жұбайының жан дүниесінен хабарсыз болу, сырласпау. Әйел күйеуінің сырласы бола білуі тиіс, қандай да бір қиыншылыққа тап болса, қолдау көрсетіп, жай-күйінен хабардар болуы керек.

Физикалық және рухани алыстау. Бір-біріне жақсы көретіндерін айту, жай ғана құшақтаудың өзі, мейірімділік таныту, жылулық сыйлау – салқындықты жоюдың тағы бір жолы.

Тағы оқыңыздар:

ОҚО-да жемқор әкімдер балабақшадағы сәбилердің несібесін "жеген"

Қостанайда төсегінде жатып темекі шеккен мүгедек тұрғын ажалдан аман қалды

Шымкенттен қыз алған құдалар бата берушілерге 200 доллардан "лақтырған"

Илья Ильин Лондон Олимпиадасындағы алтынынан айырылатын болды

Шардаралық жігіт Қайрат Нұртастың қымбат костюмін сатып жібермекші (фото)

Павлодарда жалғыздықтан әбден қажыған зейнеткер 9-шы қабаттан секіріп кетті

Мақаланың түпнұсқасы: https://kaz.nur.kz/1251395-erli-zayyptylardynh-bir-birinen-suyp-k.html