NUR.KZ жаңалықтар қызметінің жұмыс істеу қағидалары түрлі платформада, соның ішінде веб-сайтта, мобильді қосымшада, әлеуметтік желілерде және тарату тізімдерінде жаңалықтармен жұмыс істейтін қызметкерлерге арналған.
Редакцияның миссиясы – пайдаланушыларды хабардар ететін, оқытатын және көңілін көтеретін бейтарап, жоғары сапалы ақпаратты ұсына отырып, аудиторияға қызмет көрсету арқылы қоғам мүддесі үшін әрекет ету. Бұл құжат біздің биліктен тәуелсіздігімізді бекітеді, редакциялық және шығармашылық бостандығымызға кепілдік береді.
NUR.KZ редакциясы ақпарат жинау және тарату кезінде төменде көрсетілген журналистика қағидаларына сәйкес әрекет етеді.
Біздің қағидаларымыз
1. Объективті ақпаратты іздеу және хабарлау
Біз жаңалықтардың релеванттылығын, өзектілігін, мәнмәтінін, теңгерімділігін және объективтілігін ескере отырып, қалай жинайтынымыз, хабарлайтынымыз және дайындайтынымызға қатысты адалмыз. Аудиторияға қарастырылған тақырыптың толық есебін беру үшін біз адамдар топтары мен жеке тұлғаларды, сондай-ақ біз қамтитын мәселелер мен оқиғаларды барынша түсінуге тырысамыз.
Біз жаңалықтар жазбасындағыдай редакциялық мақалалар мен авторлық бағаналарда да фактілерді тексерудің жоғары стандарттарын ұстанамыз.
Біз бейресми дереккөздерден, соның ішінде әлеуметтік медиадан алынған ақпаратқа күмәнмен қараймыз және жарияламас бұрын әрқашан сенімдірек дереккөзден растау жолдарын іздейміз. Жаңалықтар мазмұнын жасау кезінде біз әрқашан дереккөздің сенімділігін, сондай-ақ берілген ақпараттың құндылығы мен дәлдігін өлшейміз.
Біз абсолютті шындыққа кепілдік бере алмаймыз, бірақ әркім қорытынды жасай алатын фактілерді бере аламыз.
2. Тәуелсіздікті сақтау
Біз жарияланымдарымыздың дұрыстығына нұқсан келтіруі мүмкін сыртқы мүдделерден, инвестициялардан немесе іскерлік қарым-қатынастардан тәуелсізбіз. Біз мәліметтерімізге әсер етуге тырысатын кез келген адамға бейтараппыз.
Біз ықтимал мүдделер қақтығысынан аулақпыз және мазмұнға орынсыз әсер етуге жол бермейміз. Біз редакциялық объективтілікке нұқсан келтіруі мүмкін сыртқы мүдделер мен келісімдерден тәуелсізбіз.
Біз оқиғаларға өз көзқарасымызды көрсету арқылы саяси науқандарды немесе істерді қолдамаймыз.
Біз жарнамалық және редакциялық мазмұн арасындағы шекараны бұзбаймыз. Біз қажетті ақпарат пен ашықтықты қамтамасыз етеміз, журналистерімізге тікелей немесе жанама коммерциялық ықпал етуді болдырмаймыз. Жаңалықтарға демеушілік қажет болған жағдайда, біз демеушілерге жарияланымдар мазмұнын өзгертуге немесе шектеуге рұқсат бермейміз.
Біз фактілерді ұсынғанда ашық пікір сақтаймыз. Редакция мүшелерінің жеке көзқарастары материалдарды әзірлеуге әсер етпейді.
3. Қоғамдық талқылау алаңы ретінде қызмет ету
Редакциялық материалдар мен авторлық бағаналармен бөлісу арқылы біз демократиялық азаматтық қоғамның дамуына себепші болатын көзқарастарды көтермелейміз және ынталандырамыз. Біз қоғамымыздың әр түрлі сегменттерінің ұстанымдарын көрсетуге және түсінуге шақырамыз.
Біз веб-сайтта және әлеуметтік желі парақшаларында жарияланған жазбалар астындағы пікірлерде әртүрлі көзқарастағы адамдарға қоғамдық талқылау алаңын ұсынамыз.
Біз бейтараппыз, аудиториямыздың көзқарастары мен тәжірибесін көрсетуге тырысамыз, осылайша біздің нәтижелеріміз жалпы пікірлердің кеңдігі мен алуан түрлілігін қамтиды және ешқандай маңызды ой желісі жеткіліксіз ұсынылмайды немесе назардан тыс қалмайды.
Біз оқиғаға қатысты барлық пікірді ұсынуға тырысамыз. Жаңалықтар өрбіп жатқан жағдайда және барлық маңызды мәліметті бірден қоса алмасақ, мүмкіндігінше қосымша деректерді қосу үшін материалды жаңартамыз. Біз сондай-ақ мазмұнға құндылық қосатын дереккөздермен байланысуға тырысамыз.
4. Халықтың осал топтарын қорғау
Сөз бостандығы үкіметтің араласуынсыз ақпарат пен идеялар алмасуға мүмкіндік береді. Ол қоғамдық пікірталастарды дамытады және азаматтарды білуге, қызығушылыққа және сыни көзқарасқа шақырады. Бұл, мысалы, драматургтерге, сатириктерге және комиктерге айналамыздағы әлем туралы пікір білдіруге мүмкіндік береді. Дегенмен сөз бостандығы абсолютті құқық емес – ол міндеттер мен жауапкершіліктер жүктейді, сонымен қатар заңдық шектеулерге ұшырайды.
Сөз бостандығын пайдалана отырып, біз осал топтарға тиісті қорғауды қамтамасыз етуге және негізсіз қорлауды болдырмауға тырысамыз. Бұл үшін бізде арнайы модераторлар тобы бар, олар пікірлер сайтта жария болмас бұрын біздің ережелерімізге сәйкестігін тексереді. Сондай-ақ біз әлеуметтік желі парақшаларымыздағы жазылушылардың тілдесуін бақылаймыз.
Біз балалар мен жастарға ерекше жауапкершілікпен қараймыз және олардың пікір білдіру және тыңдалу құқығын қорғауға тырысамыз. Олар жарияланымдардың басты кейіпкері болған кездерде біз олардың абыройын, физикалық және эмоционалдық амандығын қорғауға қамқорлық жасаймыз.
5. Жеке өмірдің құпиялылығы мен қол сұқпаушылық құқығын құрметтейміз
Біз құпия дереккөздерді жарияланған ақпараттың жалғыз сілтемесі ретінде тек соңғы шара ретінде және жұртшылықтың білу құқығына сәйкес келетін арнайы процедуралар бойынша пайдаланамыз.
Мүмкіндігінше біз құпия дереккөздерден алынған ақпаратты ашық дереккөздерде қайта тексереміз және онда растауды тапсақ, біз оны соңғысына сілтеме жасай отырып жариялаймыз.
Біз адамдардың жеке өміріне қол сұғылмаушылықты құрметтейміз және жеке ақпаратты қоғамдық мүдде адамның жеке өмірге қол сұқпау туралы заңынан жоғары болған кезде ғана жария етеміз.
6. Қоғамдық мүддеге қызмет ету
Біз журналистер ретінде қоғамға ықпал ететін үкімет пен институттардың қызметін қадағалап, мемлекеттік істердің көпшілік алдында жүргізілуін қамтамасыз ету үшін күресеміз. Біз проблемалар мен құқық бұзушылықтарды анықтауға тырысамыз және өзіміз қызмет ететін қоғамға жақсы жағынан өзгерістер енгізу үшін шешімдер іздейміз. Біз өз аудиториямыз үшін маңызды оқиғаларды хабарлаймз және билікті жауапқа тартамыз.
Қоғамдық мүдде үшін біз аудиторияны ақпараттандыру, үйрету және көңіл көтеру функциямызды орындаймыз. Біз күрделі мәселелерді түсінуге ықпал етуге тырысамыз. Қоғамдық мүдделерге қызмет ету мыналарды қамтиды:
- сөз бостандығы;
- адамдарға қоғамды толғандыратын мәселелерді жақсырақ түсінуге немесе шешім қабылдауға көмектесетін ақпаратты ұсыну;
- тұлғалардың немесе ұйымдардың мәлімдемелері немесе әрекеттері арқылы адамдарды адастыруға жол бермеу.
- қылмыстарды немесе айтарлықтай қоғамға жат мінез-құлықты әшкерелеу немесе ашу, сыбайлас жемқорлықты, әділетсіздікті, өрескел әрекетсіздікті немесе немқұрайлықты әшкерелеу.
7. Ашық болу
Біз шағымдар мен ұсыныстарды контактілер парақшасында көрсетілген байланыс әдістері, сондай-ақ кері байланыс нысаны арқылы қабылдауға дайынбыз. Біз қателер анықталған сәтте мүмкіндігінше тезірек түзетуге тырысамыз, аудиториямыздың ескертулері мен ұсыныстарына жауап береміз.
Біз ашықтық пен қызығушылықты арттыру мақсатында журналистік процестерімізді аудиторияға түсіндіреміз . Біз ақпарат көздерін мүмкіндігінше белсенді сілтемемен көрсетеміз. Дереккөз ауызша болса, оны мәтінде атаймыз.
Әрбір жарияланған материалға оның авторы туралы ақпарат беріледі. Сондай-ақ біздің авторлардың веб-сайтта өздерінің жеке ашық пайдаланушы профильдері бар.
8. Заң аясында әрекет ету
Біз жаңалық көздерімен, жұртшылықпен және әріптестерімізбен қарым-қатынасымызда заңды және этикаға сәйкес әрекет жасаймыз. Біз заң аясында жұмыс істейміз.
Біз өз шешімдеріміз үшін жауаптымыз және әрекеттеріміздің ықтимал салдарын қарастырамыз. Біз шындықты араластыратын, фактілерді бұрмалайтын немесе оқиғаларды жасанды түрде сенсациялайтын тәсілдерден аулақ бола отырып, техникалық құралдарды шебер және мұқият пайдаланамыз.
Біз плагиатпен айналыспаймыз және ақпаратты қолдан жасамаймыз. Біз оқиғаларды бұрмалап, көрерменді алдау үшін фотоларды, бейнелерді және аудионы өзгертпейміз.