RU

Елімізде полицейлерге қызметтік көлігінің терезесін тұмшалауға тыйым салынды

Рассказать в Telegram Рассказать Вконтакте

Қазақстандық полицейлерге қызметтік көлігінің терезесін тұмшалауға тыйым салынды. Ішкі істер министрлігінің жаңа тәртібін бұзған сақшылар шетінен тәртіптік жазаға тартылмақ деп хабарлайды КТК арнасы.

"Жол патрульдік полицияның қызметтік автокөліктерінің артқы және жанындағы әйнектерін қараңғылауға тыйым салынды. Бұл шаралар полицияның азаматтарға қолжетімділігін, қызметінің айқындығын қамтамасыз етуге бағыттылған. Арнайы түстермен айшықталған және жарық, дыбыс сигналдарымен жабдықталған автокөліктерге осындай талап қойылып отыр", - дейді ІІМ Мемлекеттік тіл және ақпарат департаментінің директоры Алмас Сәдубаев.

Тағы оқыңыздар: Балконнан қоқыс лақтырған шымкенттік әйел желіде жұлдыз болды (видео)

Яғни, полицейлер мінген көк түспен боялған көліктердің барлық әйнегі ашық болуы тиіс. Астаналық сақшылар жаңа тәртіпке жылдам көшіп үлгеріпті. Темір тұлпарларының терезесіндегі қара пердені түгел шешіп тастаған.

Ішкі істер министрлігі осы арқылы тәртіп сақшылары арасындағы парақорлықты жоймақ. Енді полицейлер ереже бұзған жүргізушіні көліктің артқы орындығына отырғызып, жасырын сөйлесе алмайды деген сөз.

Айта кету керек, елімізде қарапайым көлік жүргізушілеріне де терезесін тұмшалап жүруге тыйым салынған.

Тағы да оқыңыздар
Жүктеу...
Елімізде полицейлерге қызметтік көлігінің терезесін тұмшалауға тыйым салынды
Mailfire view pixel